BQE: Kriza dëmtoi industrinë financiare

Në një raport të Bankës Qendrore Europiane (BQE) thuhet se kriza e borxheve sovrane në eurozonë ka dëmtuar të gjithë progresin që ishte bërë për integrimin e sektorit bankar dhe pjesëve të tjera të industrisë financiare në eurozonë.

Në raportin vjetor të bankës, për këtë çështje, citohen si problemet primare të eurozonës, borxhi sovran në ekonomitë e periferisë, tregjet monetare dhe sektori bankar. "Përkeqësimi i situatës fiskale në vitin 2010 në disa vende të eurozonës vendosi sfida serioze përpara procesit të integrimit financiar. Tregjet më të prekura nga kjo situatë ishin tregu i parave dhe tregu i bonove sovrane," thuhet në raportin e BQE-së.

Në këtë raport theksohet se zgjerimi aktual i hendekut me ndez reagimin e tregjeve duke vendosur në rrezik integrimin e tregut të bonove në eurozonë. Raporti thotë gjithashtu se në zhbërjen e të gjithë procesit integrues kanë ndikuar edhe ndërhyrjet qeveritare në kulmin e krizës për të shpëtuar sistemet kombëtare bankare.

Në raport banka kritikon qasjen europiane kundrejt krizës financiare duke këshilluar më shumë bashkëpunim në veprimet ndaj krizave në të ardhmen.