Banka e Evropes, drejt nje banke lider ne huadhenie

Ajo eshte nje nga kreditoret me te medha ne bote dhe njekohesisht e panjohur si rralle ndonje banke tjeter. Por ne Evrope thuajse asnje projekt i madh publik ndertimi, nuk ben dot pa parate e EIB. Vitin e kaluar Banka Evropiane e Investimeve (EIB) ka dhene rreth 79 miliarde euro kredi. Kjo shume eshte sa te ardhurat buxhetore te Belgjikes. Banka Evropiane e investimeve eshte si te thuash banka vetjake e BE-se. Te gjitha vendet anetare te BE-se kane pjese kapitali ne te. Zv/presidenti i EIB-se, Matthias Kollatz-Ahnen, shpjegon per Dojce Vele, detyrat me te rendesishme te bankes se tij: "Njera eshte mbeshtetja per sipermarrjet e vogla dhe te mesme nga bankat e tjera pra ne kryejme nje funksion percjelles. Se dyti ne mbeshtesim rajonet me te dobeta ekonomikisht ne Evrope, te ashtuquajturat rajone konvergjence. Ne Gjermani numri i tyre po behet gjithnje e me i vogel. Dhe se treti, ne kemi mbeshtetur fuqimisht gjithcka qe ka te beje me qendrueshmerine e prodhimit". Pas kesaj formule qendron nje proces qe ne EIB kryhet prej 50 vjetesh. Kur nje vend i ri anetaresohet ne BE atehere tek ai investohet fuqishem, ne rruge te reja, sistemin e ujesjellesit dhe hekurudha apo ne industrine shpesh ne gjendje te keqe.