Bankieri i gjobitur, dëshmi në Prokurori

Prokuroria për Krimet e Rënda
merr në pyetje çiftin
egjiptian të kërcënuar tri ditë
më parë nga persona të paidentifikuar.
Drejtori i bankës, bashkë
me të shoqen dhe vajzën e mitur,
janë paraqitur dje në drekë në
prokurori, ku kanë dhënë deklarimet
e tyre në lidhje me kërcënimet,
ndërkohë që hetimi vijon në
bashkëpunim edhe me policinë.
Shtetasi egjiptian, Ehad Saad, 43
vjeç, lindur në Kajro dhe banues në
rrugën "Muhamet Gjollesha", ka
deklaruar se me datë 24 shkurt, në
orën 15.00, në banesën e tij, bashkëshortes
Almara Read i kanë
ardhur 3 mesazhe kërcënuese në
telefonin e saj, ku i kërkonin 85 mijë
euro, ose në të kundërt "do të vrisnin
ata dhe vajzën e tyre". Prokuroria
për Krime të Rënda, pasi ka dëgjuar
edhe njëherë këtë deklaratë,
ka nisur punën për zbardhjen e saj.