Barça, në Donjetsk synohet fitorja e pestë

Çiki Begirishtajn, drejtori sportiv i Barcelonës, shpreson që skuadra e Pep Guardiolës të regjistrojë fitoren e pestë radhazi në sfidën me Shaktjor Donjetskun, e vlefshme për Ligën e Kampioneve. "Blaugranat" kanë arritur tri fitore radhazi në kampionat dhe mposhtën Sportingun në ndeshjen e parë në grupe. "Të katërta fitoret ishin të rëndësishme dhe nesër (sot) shpresojmë të vazhdojmë në këtë mënyrë", tha Begirishtajn. "Objektivi është që ta mbyllim grupin në vend të parë".