Barnat e QSUT-se, shtyhen afatet
Drejtuesit e QSUT-se se bashku me zyren e farmaceutikes ne fillim te ketij viti moren vendimin per ndryshimin e listes se barnave, qe do te blihen per spitalin. Sipas tyre, kjo liste duhet ripare nga viti ne vit, pasi ka futje te medikamenteve dhe alternativave te reja. Nderkohe qe, kete vit, per shkak te buxhetit te paket, eshte menduar qe rishikimi i listes te behet ndryshe, duke blere medikamentet me te lira. Ndonese lista e pare ka shkuar ne duart e drejtuesve te QSUT-se ne fund te muajit janar, ata kane kerkuar nje rishikim. Duket se ky rishikim i listes per blerjet e vitit 2008 ka sjelle edhe vonesat dhe mungesat e medikamenteve. Pas percaktimit te varianteve te ilaceve qe do te blihen, jane procedurat e tenderimit, te cilat mund te zgjasin per muaj te tere. Deri ne kryerjen e ketyre procedurave, pavijoneve te QSUT-se do t’iu duhet qe te perballojne pacientet me ato barna dhe materiale shendetesore qe kane trasheguar nga viti i kaluar. Nderkohe qe, medikamentet e shtrenjta dhe ato qe mungojne ne spital, pacientet duhet t’i sigurojne ne farmacite prane QSUT-se.