Prej korrikut, spitali ka mungesa te medikamenteve

Nga korriku i vitit te kaluar e ne vazhdim, situata per sa i perket furnizimit me medikamente ne QSUT ka qene problematike. Moskryerja e tendereve me prokurim te drejtperdrejte u be shkaktari kryesor i vonesave gjate periudhes se vitit te kaluar. Por, keto vonesa duket se lane gjurme dhe vazhduan te zgjateshin per periudha te ndryshme. Gjate vitit te kaluar, problematike ishte furnizimi me citostatike, ku Ministrise se Shendetesise iu desh qe te akordonte nje fond te vecante per blerjen e tyre dhe perballimin e situates se veshtire. Keto mungesa u pasuan edhe me mungese te reagjenteve gjate fundit te vitit, ku nuk mund te kryheshin te gjitha llojet e analizave. Nderkohe qe sot, me nje urdher te brendshem, analizat, te cilat kerkojne reagjente, nuk behen per ambulatoret, por vetem per te shtruarit ne spital.
Per te menjanuar keto probleme, qe gjate krizes se kaluar Drejtoria e QSUT-se i ka propozuar Ministrise se Shendetesise qe te heqe procedurat e tenderimit dhe te perdore ato me tenderim te drejtperdrejte. Po keshtu, edhe per materialet e tjera mjekesore, eshte kerkuar e njejta procedure, per te mos pasur probleme te tilla.