Thirrja: Pije alkoolike per pavaresine

Zyra per Mbrojtjen e Konsumatoreve u beri thirrje dje pronareve te bar-restoranteve ne te gjithe vendin qe te japin pije alkoolike falas per te gjithe ata kliente qe diten e Pavaresise ne mesdite do te jene ne mjediset e tyre. Thirrja e ZMK “imponon” nje gote vere falas “si nje menyre sinjifikative per te shprehur gezimin e shqiptareve per pavaresine e Kosoves”. Ajo kerkon qe ne oren 12:00 te behet nje "Gezuar per Pavaresine", si nje “lloj ceremoniali mbarekombetar ne te gjithe Shqiperine, e cila do te demonstroje nje menyre civile dhe solidariteti te shqiptareve kudo qe ndodhen”. Altin Goxhaj, drejtor i ZMK-se, sqaron se ideja e urimit te pavaresise me vere merr shkas nga nisma shume interesante e nje biznesi kosovar per te ofruar ne treg marken e nje vere, me etiketen e Pavaresise. ZMK, e ka gjetur oren 12:00 si me te pershtatshmen, “ku nderrohet nje epoke e padrejtesise me nje epoke te re te lirise”.
Pas publikimit te thirrjes se ZMK per te shperndare pije alkoolike falas, nuk dihet cili do te jete reagimi i klienteve dhe pronareve te bar-restoranteve. Sakaq, ZMK i propozon biznesit, por dhe te gjithe subjekteve te tjera jo shteterore, qe te vendosin flamurin shqiptar ate dite, “si shprehje e solidaritetit dhe ndjenjave shqiptare”.