UNICEF, siguron medikamentet falas
Femijet me SIDA nga dita e djeshme kane mundur te marrin medikamentin qe u mungonte prej me shume se dy muajsh. Pas denoncimit te bere ne media nga kryetarja e shoqates se ketyre femijeve, Ministria e Shendetesise ka mundur te sigurojne keto medikamente. “Shteti shqiptar ka siguruar antiretroviralin e nevojshem per trajtimin e te semureve me HIV/AIDS qe kane nevoje per to. Te semuret me HIV/AIDS i perfitojne falas medikamentet”, ka pohuar zedhenesja e Ministrise se Shendetesise, Zhaneta Tomcini. Sipas saj, ne baze te nje marreveshjeje midis Ministrise se Shendetesise dhe UNICEF, ky i fundit siguron medikamentet sipas specifikimeve te Ministrise se Shendetesise. Nderkohe qe per drejtuesit e shoqates se te semureve me SIDA, keto kane qene blerje emergjente dhe ende nuk jane bere blerjet per vitin 2008. Vetem dy jave me pare, drejtueses se shoqates se femijeve me SIDA iu desh te vinte ne dijeni drejtuesit e Ministrise se Shendetesise, nepermjet medias per mungesen dymujore te shurupit antiretroviral, i cili lufton virusin dhe parandalon perparimin e shpejte te semundjes. I gjithe problemi per mungesen e medikamenteve ka ardhur per shkak te keqmenaxhimit te fondeve dhe kryerjes se procedurave per blerje.
O.H., gruaja e infektuar me virusin e “semundjes se shekullit”, per te cilen ende nuk po gjendet mjekim, eshte e vetmja qe apelon per ndihme ne keto kushte, kur 17 te vegjel me HIV/AIDS, nuk po marrin mjekimin e domosdoshem. Fakti qe edhe dy femijet e saj jane bartes te po ketij virusi, kane bere qe ajo te vere alarmin per marrje masash emergjente.