Bode shperndan 25 milione euro per banesat cociale
Ministri i Financave, Ridvan Bode, nenshkroi dje marreveshjen per nje kredi prej 25.3 milione euro qe do t’i jepen 8 bashkive per zbatimin e projektit “Ndertimi i banesave me qellim social”. Kredia eshte dhene nga Banka per Zhvillim e Keshillit te Europes dhe nenhuazohet per bashkite nga qeveria shqiptare. Ne ceremonine e mbajtur ne Ministrine e Financave moren pjese drejtuesit me te larte te bashkive te Tiranes, Durresit, Korces, Elbasanit, Peshkopise, Beratit dhe Kavajes, qe jane dhe perfituesit e kesaj kredie.
Ministri i Financave Bode, falenderoi Banken per Zhvillim te Keshillit te Europes qe mundesoi dhenien e kesaj kredie dhe kryebashkiaket perfitues te kredise per angazhimin dhe bashkepunimin e tyre ne pergatitjen e ketij projekti. Ministri vleresoi se ka nje rritje te kapaciteteve te qeverisjes vendore per te menaxhuar me mire fondet publike. “Ne kuader te thellimit te decentralizimit qe ka ndermarre qeveria qendrore, ky projekt prej 25.3 milione euro, do te menaxhohet nga bashkite, duke filluar qe nga ky vit per ndertimin e banesave sociale”, tha ministri Bode, i cili njoftoi se me kete fond do te ndertohen 1150 banesa. Nderkohe ne emer te bashkive ka pershendetur kryetari i Shoqates se Bashkive, Refik Rugia, kryetar i Bashkise se Kavajes, i cili ka vleresuar kete kredi si nje hap konkret te decentralizimit te pushtetit vendor. Kushtet me te cilat jepen fondet jane mjaft lehtesuese per bashkite, te cilat marrin persiper te shlyejne vetem principalin e kredise. Interesat dhe komisionet e tjera te percaktuara ne marreveshjen e kredise, do te perballohen nga Ministria e Financave.Nderkohe per disa bashki te cilat jane me aftesi te pamjaftueshme financiare, si Bashkia e Elbasanit, Fierit, Kavajes, Beratit dhe Peshkopise, Qeveria Qendrore merr pjese edhe ne financimin e kostos lokale te projektit (perjashtuar TVSH). Projekti “Ndertimi i banesave me qellim social”, eshte nje bashkefinancim i Bankes per Zhvillim te Keshillit te Europes (CEDB), Qeverise Shqiptare dhe 8 Bashkive pjesemarrese ne implementimin e ketij projekti.