Barzagli, i pazëvendësueshëm
Qendërmbrojtësi i Juventusit, Andrea Barzagli është shndërruar në futbollist të pazëvendësueshëm në ekipin e Antonio Contes.
Presidenti Andrea Agnelli e përshkroi si “futbollisti i rikthimit të Juventusit”, kurse mediet italiane kanë njoftuar se klubi ka përgatitur një kontratë të re për të deri më 2013.
Kujtojmë se Juventus transferoi Barzaglin nga Wolfsburg për vetëm 300 mijë euro, kurse ai përveçqë zuri vend në formacionin bazë, nuk e ka ndërmend ta lëshojë atë.