Bashkëpunim me Kinën për punësimin

 

Bashkëpunim me Kinën për punësimin e sigurinë e shëndetit në punë. Ky ishte thelbi i diskutimeve në takimin e djeshëm mes Ministrit të Punës, Anastas Duro, dhe Ambasadorin e Republikës Popullore të Kinës, z. Ëang Junling. Duke u ndalur në nivelin e bashkëpunimit në fusha të tilla si tregu i punës, ministri vuri në dukje se ky mund të vlerësohet si momenti më i mirë për firmosjen e Protokollit të bashkëpunimit mes dy vendeve dhe ministrive përkatëse në këtë fushë. “Draft-Protokolli tashmë ka përfunduar dhe firmosja e tij në një kohë sa më të shpejtë do të sillte një nivel të ri bashkëpunimi mes dy vendeve tona në fusha me interes reciprok”, u shpreh Duro. Ambasadori i përshëndeti këto nisma dhe shprehu bindjen se investimet kineze do të pësojnë hop të ri në të ardhmen, falë angazhimit të të dy vendeve dhe bashkëpunimit në rritje.