Bello: Deklarata e Presidentit ishte pro PD
10/06/2005 PS hedh poshtë pretendimet për qëndrimin e Moisiut për imunitetin e deputetëve
Thellohen divergjencat mes qeverisë dhe presidencës. Pas akuzave të dy ditëve më parë të kreut të shtetit, Alfred Moisiu, se zyrtarët e lartë nuk duhet të shfrytëzojnë postin që kanë për interesa politike, ka ardhur reagimi i ministrit të Shtetit, Marko Bello. Sipas tij në deklaratat e Moisiut vlerësohej publikisht platforma e Partisë Demokratike për luftën antikorrupsion, në një kohë që vendi është në fushatë elektorale. “Presidenti i Republikës nuk mund të bëhet palë me deklarimet e tij, aq më tepër në mes të fushatës elektorale. Presidenti duhet të respektojë Kushtetutën, e cila është e shprehur shumë qartë që imuniteti i një parlamentari nuk varet nga dëshira e tij, ai është parashikur si një element që të mos nëpërkëmbet një deputet”, tha Bello. Ministri i Shtetit ka reaguar dhe ndaj deklaratës së Moisiut për fondet publike të disa prej kandidatëve për deputetë. “Nuk jam dakord aspak me deklaratën e Presidentit, i cili edhe pse nuk ka pushtet aq të madh, përsëri është figurë shumë e rëndësishme, është kryetari i shtetit dhe ka tratativa kushtetuese dhe ligjore për të ndikuar që të mos ketë fenomene të tilla”, tha Bello. Në deklaratën e Moisut i bëhej thirrje të gjithë faktorit politik në Shqipëri që të ndahen interesat politike nga ato të biznesit, kjo sidomos në kohën e fushatës. Ndërsa Partia Demokratike e ka mbështetur deklaratën e Presidentit Moisiu të bërë një ditë më parë për përdorimin e posteve dhe të fondeve të buxhetit në fushatë elektorale në favor të individëve të ndryshëm, apo të një partie. Sekretari për Marrëdhëniet me Jashtë, Besnik Mustafaj, gjatë një prononcimi e ka konsideruar Presidentin e Republikës si një zëdhënës të një shqetësimi mbarëkombëtar. “Qoftë këta që përdorin mundësitë institucionale për veten e tyre, qoftë drejtorët më të lartë, të cilët kanë pasur rastin që të tregohen me gisht se i kanë kthyer institucionet e tyre në vatra të korrupsionit, tashmë kanë hyrë në fushatë për t'u zgjedhur deputet nën siglën e Partisë Socialiste. Në këtë kontekst, Presidenti i Republikës është bërë zëdhënës i një shqetësimi që kanë shqiptarët në përgjithësi, që ka opozita, që kanë dhe institucionet ndërkombëtare”, tha Mustafaj.
Thellohen divergjencat mes qeverisë dhe presidencës. Pas akuzave të dy ditëve më parë të kreut të shtetit, Alfred Moisiu, se zyrtarët e lartë nuk duhet të shfrytëzojnë postin që kanë për interesa politike, ka ardhur reagimi i ministrit të Shtetit, Marko Bello. Sipas tij në deklaratat e Moisiut vlerësohej publikisht platforma e Partisë Demokratike për luftën antikorrupsion, në një kohë që vendi është në fushatë elektorale. “Presidenti i Republikës nuk mund të bëhet palë me deklarimet e tij, aq më tepër në mes të fushatës elektorale. Presidenti duhet të respektojë Kushtetutën, e cila është e shprehur shumë qartë që imuniteti i një parlamentari nuk varet nga dëshira e tij, ai është parashikur si një element që të mos nëpërkëmbet një deputet”, tha Bello. Ministri i Shtetit ka reaguar dhe ndaj deklaratës së Moisiut për fondet publike të disa prej kandidatëve për deputetë. “Nuk jam dakord aspak me deklaratën e Presidentit, i cili edhe pse nuk ka pushtet aq të madh, përsëri është figurë shumë e rëndësishme, është kryetari i shtetit dhe ka tratativa kushtetuese dhe ligjore për të ndikuar që të mos ketë fenomene të tilla”, tha Bello. Në deklaratën e Moisut i bëhej thirrje të gjithë faktorit politik në Shqipëri që të ndahen interesat politike nga ato të biznesit, kjo sidomos në kohën e fushatës. Ndërsa Partia Demokratike e ka mbështetur deklaratën e Presidentit Moisiu të bërë një ditë më parë për përdorimin e posteve dhe të fondeve të buxhetit në fushatë elektorale në favor të individëve të ndryshëm, apo të një partie. Sekretari për Marrëdhëniet me Jashtë, Besnik Mustafaj, gjatë një prononcimi e ka konsideruar Presidentin e Republikës si një zëdhënës të një shqetësimi mbarëkombëtar. “Qoftë këta që përdorin mundësitë institucionale për veten e tyre, qoftë drejtorët më të lartë, të cilët kanë pasur rastin që të tregohen me gisht se i kanë kthyer institucionet e tyre në vatra të korrupsionit, tashmë kanë hyrë në fushatë për t'u zgjedhur deputet nën siglën e Partisë Socialiste. Në këtë kontekst, Presidenti i Republikës është bërë zëdhënës i një shqetësimi që kanë shqiptarët në përgjithësi, që ka opozita, që kanë dhe institucionet ndërkombëtare”, tha Mustafaj.