Bello: Qeveri, pakete kunder krizes ekonomike
Partia Socialdemokrate denoncoi dje sjelljen "vrastare" te Qeverise ndaj shtetasve te saj ne kete periudhe krize ekonomiko-financiare qe ka mberthyer vendin. Deklarata eshte bere nga nenkryetari i kesaj partie, Pajtim Bello, i cili tha se edhe pse Qeveria eshte paralajmeruar per ardhjen e krizes, ajo nuk u kujdes qe te parandalonte apo te zbuste efektet shkaterruese te kesaj krize ndaj buxhetit te qytetareve, ndaj bizneseve dhe ndaj gjithe shoqerise shqiptare. "Qeveria ne vend qe ne fund te vitit 2007 te shpallte masat antikrize, u kujdes qe te manipulonte shifrat, te mashtroje opinionin publik, qytetaret e vet dhe institucionet nderkombetare, nepermjet ish-Institutit te Statistikave, qe tashme eshte shnderruar ne Institut te Propagandes te Qeverise", akuzoi Bello. Sipas tij, ekonomia shqiptare nuk pesoi rritje reale ne vitin 2008, por ajo qe eshte me shqetesuese, ne vitin 2009 do te kemi rritje negative ashtu sic po ndodh ne kete fillim viti. "Perballe varferise ne rritje dhe kur gjithe efektet e krizes do te bien mbi qytetaret deri edhe te kursimet e tyre ne leke apo ne monedhe te huaj, nuk ka vend per cinizem dhe fjalime patetike", shprehu shqetesimin nenkryetari i Partise Socialdemokrate, Pajtim Bello. D.D