Berisha: 2008, viti i reformave

Zgjedhjet dhe reformat e perfunduara me sukses ne kete vit, kane qene dhe kryefjala e kryeministrit Berisha , teksa eshte vene perballe gazetareve me rastin e festave te fundvitit, duke garantuar se qeveria qe ai drejton do te siguroje te gjithe infrastrukturen e nevojshme per zgjedhje te lira dhe te ndershme. Duke qene se 2009 eshte edhe nje vit i rendesishem zgjedhor, kreu i ekzekutivit premtoi se kartat e identitetit, te cilat jane te domosdoshme per kete proces, do te shperndahen qe ne javet e para te muajt janar. "Keto zgjedhje jane nje sfide per qeverine dhe per kete arsye, cdo qytetar shqiptar do te votoje me karten e identitetit. Do te bej cdo perpjekje per zgjedhje te lira dhe te ndershme. Do bej cdo gje qe shqiptaret ne keto zgjedhje te votojne njesoj si partneret e tjere evropiane. Ju garantoj se ky eshte qellimi me i pare per keto zgjedhje", deklaroi kryeministri Berisha ne fjalen e tij. Po keshtu ne lidhje me proceduren e shperndarjes se kartave te identitetit, kryeministri Berisha deklaroi se do te behet heqja e TVSH-se si dhe disa tarifave te tjera per kompanine qe do te pajise shqiptaret me kartat e identitetit dhe kjo do te beje plotesisht te mundur realizimin e objektivit brenda dates se zgjedhjeve. Duke e konsideruar si nje vit bashkepunimi te suksesshem me opoziten vitin 2008, Berisha nenvizoi se do te konsultohej edhe per detajet e shperndarjes se kartave te identitetit dhe pasaportave biometrike edhe me perfaqesuesit e opozites. Kete vit qe lame pas Berisha e konsideroi si nje vit reformash te medha dhe te gjithanshme. "Si asnje vit tjeter nisi me konsensus ligji per sistemin e drejtesise, u mbyll me konsensus me Kodin Zgjedhor te votuar sot, ligjin per Prokurorine dhe nje sere ligjesh te tjere. Keto reforma kane konsoliduar institucionet e vendit, kane shkeputur Shqiperine nga Dushku. Keto reforma kane konsoliduar karakterin parlamentar te Republikes", deklaroi Berisha. Shperndarjen e ketyre dy dokumenteve te rendesishme, kreu i ekzekutivit e lidhi edhe me liberalizimin e vizave per qytetaret shqiptare. Sipas Berishes, teksa qytetaret shqiptare te pajisen me keto dokumente te rendesishme, me pas nuk do te kete ndonje tjeter barriere serioze per te pretenduar edhe liberalizim te plote vizash me vendet e Bashkimit Evropian.

"Nuk behet fjale per liberalizim vizash pa u pajis shqiptaret me keto dokumente, dhe nuk shikoj ndonje pengese tjeter serioze pas ketij procesi", sqaroi ai. Po keshtu ai theksoi se qeveria ishte e vendosur per te aplikuar ne muajt e pare te vitit te ardhshem edhe per statusin e vendit kandidat prane BE. Berisha tha se Shqiperia kishte shanse te shkelqyera per te qene anetare me te drejta te plota ne NATO, ne pranveren e vitit te ardhshem.