Berisha: Do të zhvillojmë komunat me infrastrukturë të re

Kryeministri i vendit, Sali Berisha, nuk ka ngurruar të japë deklarata dhe premtime për më shumë fonde në drejtim të zhvillimit të njësive vendore, në veçanti të komunave që prekin direkt problemet e banorëve. Në takimin e fundit të Komitetit për Zhvillimin e Rajoneve, Kryeministri vuri në dukje planin ambicioz për rritjen e investimeve në sektorët e rrugëve dhe furnizimit me ujë. “Për rrugët, qeveria shqiptare në katër vite ka garantuar edhe 400 milionë dollarë të tjera, e në rast nevoje do të garantohen edhe më shumë. Fondi i Zhvillimit të Rajoneve përfshin të gjitha financimet që bëhen në rajonet e vendit: ujësjellës-kanalizime, shkolla dhe qendra shëndetësore”, tha Kryeministri. Në një takim të zhvilluar në fund të muajit qershor, më saktë një ditë para se ministri i Financave të miratonte detajimin e fondeve për komunat në sektorin e ujësjellësve, Kryeministri zhvilloi një takim me krerët e komunave, ku mungonte ministri i Brendshëm, Lulëzim Basha. Gjatë një takimi me krerët e komunave, Berisha garantoi mbështetjen e qeverisë për zhvillimin e infrastrukturës dhe për luftën ndaj varfërisë. "Ne do rindërtojmë së bashku një infrastrukturë të re, do ndahemi nga infrastruktura e vjetër", premtoi Berisha.