Berisha ftesë opozitës
Tiranë -Kryeministri Sali Berisha ka ftuar sot opozitën të kontribuojë për realizimin e një procesi zgjedhor transparent. Gjatë mbledhjes së përjavshme të grupit parlamentar të PD-së dhe me rastin e nisjes së sesionit të ri parlamentar, Berisha u ndal në përgatitjet për zgjedhjet e ardhshme të 28 qershorit.
"I bëj thirrje opozitës të ulemi së bashku për të ndërtuar një komision zgjedhor me kredibilitetin më të lartë, sikundër e ftoj atë të ushtrojë të gjithë kontrollin që dëshiron mbi përgatitjet për procesin zgjedhor. Ne do ta konsideronim kontrollin e saj kontribut të madh. Nuk kemi asnjë qëllim, vetëm realizimin e një procesi dinjitoz zgjedhor", deklaroi Kryeministri Berisha para deputetëve demokratë.
Duke folur rreth kërkesës së opozitës për shpërndarjen e kartave të identitetit, Berisha theksoi se do të merrte parasysh çdo lloj propozimi nga opozita.
"Për këtë do të autorizoj dhe do të vendos kontakte të menjëhershme me Ministrinë e Brendshme. Çfarëdo lloj propozimi, që opozita e gjykon dhe i shërben transparencës dhe kompletimit më të mirë të procesit, ne jemi të hapur dhe duam që çdo forcë politike të gjejë veten në këtë proces"-theksoi kryeministri Berisha gjatë mbledhjes së sotme të grupit parlamentar demokrat.
"I bëj thirrje opozitës të ulemi së bashku për të ndërtuar një komision zgjedhor me kredibilitetin më të lartë, sikundër e ftoj atë të ushtrojë të gjithë kontrollin që dëshiron mbi përgatitjet për procesin zgjedhor. Ne do ta konsideronim kontrollin e saj kontribut të madh. Nuk kemi asnjë qëllim, vetëm realizimin e një procesi dinjitoz zgjedhor", deklaroi Kryeministri Berisha para deputetëve demokratë.
Duke folur rreth kërkesës së opozitës për shpërndarjen e kartave të identitetit, Berisha theksoi se do të merrte parasysh çdo lloj propozimi nga opozita.
"Për këtë do të autorizoj dhe do të vendos kontakte të menjëhershme me Ministrinë e Brendshme. Çfarëdo lloj propozimi, që opozita e gjykon dhe i shërben transparencës dhe kompletimit më të mirë të procesit, ne jemi të hapur dhe duam që çdo forcë politike të gjejë veten në këtë proces"-theksoi kryeministri Berisha gjatë mbledhjes së sotme të grupit parlamentar demokrat.