Berisha kërkon të bindë Ari Hanin

 

Besart Berisha është rikthyer në Kombëtare pas më shumë se një viti, pas dëmtimit të rëndë në gju në miqësoren kundër Maltës (3-0), të zhvilluar më 20 gusht 2007, ku edhe shënoi një nga tre golat. “Jam shumë i lumtur, që kthehem në Kombëtare. Është gati një vit, që kam munguar. Më ka marrë edhe pak malli. Tashmë jam gati dhe për Kombëtaren - ka thënë sulmuesi 23-vjeçar. - A do të luaj? Unë jam si lojtar i ri në Kombëtare, për më tepër që dhe trajneri është i ri e nuk i njoh ende vlerësimet e Ari Hanit. Unë jam gati për të qenë në fushë”. Ndërkaq, Debatik Curri ka thënë se Ibrahimoviç nuk e tremb. “Suedia ekip i fortë, por edhe ne jemi skuadër e mirë dhe në fushën tonë kemi treguar se mund të përballojmë çdo kundërshtar. Ibrahimoviç? Jam përballur me shumë kundërshtarë të nivelit të lartë dhe ai nuk më tremb”.