Berisha në Francë: Rama duhej të dorëhiqej, pengoi integrimin e vendit në BE

Kryeministri i Shqipërisë Sali Berisha gjatë fjalës së tij në Kongresin e 20 të PPE-së në Francë, ka lëshuar akuza ndaj liderit të opozitës. Sipas Kryeministrit opozita humbi zgjedhjet lokale, ndërkohë që lideri i tyre nuk pranoi të dorëhiqej. Berisha akuzoi kreun e PS-së, se ka bërë gjithçka për të penguar integrimin e vendit në BE.

“Kreu i opozitës nuk pranoi rezultatin dhe ndryshoi statusin e partisë së tij, duke mos respektuar atë dhe të jepte dorëheqjen. Opozita pasi humbi zgjedhjet lokale nuk pranoi kurrë të votonte asnjë reformë evropiane,- theksoi Berisha.

Duke folur për situatën politike në vend kreu i ekzekutivit shqiptar theksoi se vendi gjatë 20 viteve ka ndryshuar shumë, është rritur ekonomikisht dhe në cilësi jetese, ndërkohë sipas kryeministrit Berisha Shqipëria po punon për integrimin në BE.