Berisha sot në Berlin me ftesë të Merkel

Vizita dhe qëndrimi në Fondacionin Konrad Adenauer, konsiderohet si shenjë miqësie mes CDU-së dhe Partisë Demokratike të Shqipërisë. Një prej temave gjatë takimeve do të jetë edhe anëtarësimi i Shqipërisë në BE 

BERLIN-Kryeministri i Shqipërisë Sali Berisha do të jetë sot në Berlin mysafir i Partisë Kristiandemokrate, CDU, të kancelares Angela Merkel. Vizita dhe qëndrimi në Fondacionin Konrad Adenauer, konsiderohet si shenjë miqësie mes CDU-së dhe Partisë Demokratike të Shqipërisë. Një prej temave gjatë takimeve do të jetë mundësia e anëtarësimit të Shqipërisë në BE. Kancelarja gjermane Angela Merkel pohon se secili vend ka të drejtë të kandidojë, por me rëndësi është plotësimi i kushteve. CDU-ja mendon se pas anëtarësimit të Kroacisë në BE, duhet bërë një pauzë të gjatë.
(s.g/Dwelle/BalkanWeb)