Berlusconi ne Shqiperi, rikthehet pas 6 vitesh

Vizita e 2 dhjetorit ne Tirane e kryeministrit italian, Silvio Berlusconi shenon kthimin e tij ne kryeqytetin shqiptar 6 vjet pas vizites se pare zyrtare si kryeminister i Italise.

Autoritetet ne Tirane, pavaresisht nga ngjyrimi i tyre politik e shohin Italine si partnerin kryesor strategjik ne marredheniet ekonomike dhe politike.

Madje asnjehere nuk eshte ngurruar qe Italia te cilesohet si Avokati i Shqiperise ne perpjekjet e saj per te pershpejtuar hapat drejt integrimit europian te vendit.

Ky mesazh pritet te rikonfirmohet edhe kesaj here gjate vizites disa oreshe te kryeministrit Berlusconi ne Tirane, ku axhenda e tij eshte perqendruar ne takimin me kryeministrin Sali Berisha, firmosjen e disa marreveshjeve ekonomike dhe nje konference te perbashket shtypi te dy kryeministrave, qe njihen edhe per miqesine e vjeter politike mes tyre.

Me pas parashikohet nje takim me presidentin Bamir Topi, i cili ka rezervuar nje dreke per kreun e qeverise italiane.

Dhe nese protokolli i axhendes respektohet deri ne detaje atehere ne dreken e presidentit Topi me Silvio Berluskonin do te jene njerezit me te rendesishem te politikes shqiptare, kryeministri Berisha, kryetarja e parlamentit Topalli dhe kryetari i bashkise Edi Rama, nje format ky i realizuar per here te fundit gjate drekes me presidentin Bush, qershorin e kaluar.