Tirane, flaket vazhdojne te djegin ndertesen

Ne autostraden Tirane-Durres rreth 6 kilometra larg Tirane, flaket vazhdojne ende te djegin nje prej bizneseve te medha te ndertuara ne kete zone. (UPDATE)

Ishte ora 13.00 kur re te dendura tymi te zi pushtuan qiellin ne kete zone, si pasoje e flakeve qe kishin perfshire magazinat e kompanise “Henri”, e cila ushtron aktivitetin e tregtise se pajisjeve hidro-sanitare.

Ne momentin e renies se zjarrit kane qene ne magazine 25 punetore, te cilet jane evakuuar me shpejtesi.

Ndertesa e perfshire nga flaket ndodhet prane disa prej bizneve te tjera te medha qe jane ndertuar ne kete zone.

Skuadrat e zjarrfikesave jane perqendruar te gjitha aty pikerisht per te mos lejuar perhapjen e flakeve ne te tjera ndertesa, pasi mesa duket ndertesa e perfshire nga flaket eshte shkaterruar teresisht.

Nga informacionet e fundit mesohet se flaket jane perhapur edhe nje magazine aty prane.

Specialistet i tremben shperthimit te xhamave te godines ndaj kane zgjeruar perimetrin e sigurise ne zone.

Policia njofton paraprakisht se vetem godina kryesore ka patur masa kunder zjarrit, ndersa ne magazine nuk ka patur. Ky eshte nje problem i nje pjese te madhe te firmave, pasi nuk arrijne te sigurojne ndertesat e tyre.

Hetimet nuk kane filluar ende, nderkohe qe paraprakisht dyshohet se shkak i zjarrit ka qene nje defekt ne sistemin elektrik.