Berluskoni premton në festë: E mirëpres Kakan

Gjatë festimit të 25 vjetorit që nga ardhja në krye të “rosonerëve”, Silvio Berluskoni para 750 mysafirëve të njohur, deklaroi se ish-yjet e klubit se do t’i presë krahëhapur. Berluskoni tha në ceremoni se është i nderuar që klubi udhëhiqet sot nga futbollistë të mëdhenj si Ibrahimoviç, se i vjen keq për largimin e Ronaldinjos, dhe se krahëhapur do ta priste Kakan, shkruajnë mediat italiane. Në fillim, zëvendëspresidenti i Milanit, Adriano Galiani, hodhi poshtë mundësinë që braziliani të kthehet në Milan, pasi klubi nuk ka para edhe për Ibrahimoviçin e Kakan, por duket se Berluskoni dëshiron të arrijë këtë.