Bernanke:Recensioni në SHBA do të marrë fund

Kreu i Rezervës Federale Ben Bernanke tha se recesioni më i keq në Amerikë që nga koha e depresionit të madh, ka të ngjarë të ketë marrë fund, por përmirësimi do të jetë i ngadaltë dhe se do të duhet kohë për të krijuar vende të reja pune. Drejtori i Bankës Qendrore Amerikane shtoi ndër të tjera se sipas treguesve, ekonomia amerikane ka filluar përsëri të rritet dhe se do të vazhdojë të rritet edhe vitin e ardhshëm. Megjithatë, ai tha se ishte dakord me parashikimet ekonomike, sipas të cilave pavarësisht rritjes, ekonomia amerikane nuk do të prodhojë shumë vende të reja pune dhe se ritmi i papunësisë do të mbetet i lartë edhe për disa kohë. Këndvështrimi i Ben Bernanke për ekonominë është në kontrast me atë të një tjetër zyrtari të lartë amerikan, me atë të Sekretarit amerikan të Thesarit, Timothy Geithner. Ky i fundit tha administrata nuk do të kënaqet me fundin e recesionit para se të papunët në Amerikë të kenë përsëri mundësinë të punësohen. Eksperti tha se "Nuk ka ardhur ende momenti kur mund të thuhet një gjë e tillë". Ndërkohë, presidenti amerikan Barak Obama paraqiti një plan për një stadard të ri kombëtar i cili vendos rregulla më të forta për vëllimin e gazeve ndotëse që çlirohen në atmosferë dhe për sasinë e karburantit që djegin makinat. Aktualisht papunësia në Shtetet e Bashkuara ka arritur në nivelin 9.7 për qind që pas recesionit që nisi ne dhjetor të 2007 dhe besohet se mund të arrijë në 10 gjatë muajve të ardhshëm.