Bie tavani i Infektivit, pacientët plagosen në kokë
Edhe për të qarë, por edhe për të qeshur. Lajmi i mirë është që askush nuk ka pasur dëmtime serioze, ndërsa çudia e ngjarjes mbetet moskomunikimi mes punëtorëve që po kryejnë punime në shërbimin e infektivit dhe punonjësve të spitalit. Dje, gjatë paradites, në orën 09.00, në shërbimin e EKO-s, në godinën e pavijonit të infektivit, në spitalin "Nënë Tereza" ka rënë suvaja e tavanit. Dy pacientet, Nafie Kryemadhi, 52 vjeçe, dhe Xhevahire Xhafa, 45 vjeçe, janë lënduar si pasojë e rënies së suvasë dhe kanë pësuar goditje të lehta në kokë e në krahë.
Sipas mjekëve, plagët nuk kanë qenë të rënda dhe nuk paraqitet asnjë rrezik serioz shëndetësor për jetën e pacienteve. Por, pavarësisht kësaj, pacientet janë dërguar në Spitalin Ushtarak për një diagnostikim më të mirë.
Punimet në shërbim
Suvaja në dhomën e ekografisë në repartin infektiv u rrëzua si pasojë e punimeve që po kryhen në kuadër të një projekti për rehabilitimin e mjediseve të këtij reparti. Ky është një projekt i përbashkët i Bankës Botërore, Ministrisë së Shëndetësisë dhe Ministrisë së Bujqësisë për parandalimin e gripit të shpendëve. "QSUT-ja, e cila është vetëm përfituese nga ky projekt, pasi ambientet e rikonstruktuara do të përdoren për të gjithë të sëmurët që kurohen aty, i kishte kërkuar firmës të mos e niste punën pa sistemuar ambientet në katet e mëposhtme të godinës së repartit infektiv", tha drejtoresha e QSUT-së, Gjeorgjina Kuli. Sipas saj, situata është nën kontroll dhe ambientet ku ra suvaja janë boshatisur. Njëra nga pacientet e lënduara nga ky incident është Nafie Kryemadhi, e cila ndodhej e shtruar në repartin infektiv. Ajo u dërgua në Spitalin Ushtarak në repartin e traumatologjisë, për të parë nëse kishte fraktura dhe pas ekzaminimeve u transportua sërish në QSUT. "Së bashku me të, në momentin e aksidentit ndodhej edhe Xhevahire Xhafa, e afërme e saj, por nuk pati asnjë pasojë. Edhe mjeku që po kryente EKO-n nuk pati probleme", tha Kuli.
Ndërkaq, mjeku Artan Harxhi, që ndodhej në shërbimin e EKO-s, ka sqaruar se është ndodhur në vendngjarje, por nuk ka pësuar dëme shëndetësore. Sakaq, dje shërbimi i EKO-s ka mbyllur dyert, ndërsa kjo ngjarje ka vendosur urat e komunikimit mes punëtorëve dhe punonjësve të spitalit.
Precedentët
Dy ditë më parë u shemb tavani i shkollës 9-vjeçare në fshatin Zhezhan të Komunës Allkaj në rrethin e Lushnjës, 110 nxënës braktisën mësimin. Ndërkaq, në datën 28 shkurt, në fshatin Urak të rrethit të Matit u shemb tavani i një klase në shkollën 9-vjeçare, ndërkohë që 15 nxënës mungonin në orën e dytë të mësimit. Fatmirësisht nuk pati të plagosur. Në këtë shkollë suvaja kishte rënë edhe një natë më parë, kur nuk zhvillohej procesi mësimor. Por jo vetëm kaq, vitet e fundit, në disa prej shkollave të Tiranës, ka rënë suvaja, ka pasur probleme me tavanet e godinave si gjatë rikonstruksioneve të ndërtesave ashtu edhe pas përfundimit të tyre. Një vit e gjysmë më parë, në shkollën e mesme teknike të hoteleri-turizmit, dy prej punëtorëve të ndërtimit gjetën vdekjen, si pasojë e një aksidenti në punë. Po kështu, pjesë suvaje të tavanit ka rënë edhe në gjimnazin "Sami Frashëri" në kryeqytet.
Sipas mjekëve, plagët nuk kanë qenë të rënda dhe nuk paraqitet asnjë rrezik serioz shëndetësor për jetën e pacienteve. Por, pavarësisht kësaj, pacientet janë dërguar në Spitalin Ushtarak për një diagnostikim më të mirë.
Punimet në shërbim
Suvaja në dhomën e ekografisë në repartin infektiv u rrëzua si pasojë e punimeve që po kryhen në kuadër të një projekti për rehabilitimin e mjediseve të këtij reparti. Ky është një projekt i përbashkët i Bankës Botërore, Ministrisë së Shëndetësisë dhe Ministrisë së Bujqësisë për parandalimin e gripit të shpendëve. "QSUT-ja, e cila është vetëm përfituese nga ky projekt, pasi ambientet e rikonstruktuara do të përdoren për të gjithë të sëmurët që kurohen aty, i kishte kërkuar firmës të mos e niste punën pa sistemuar ambientet në katet e mëposhtme të godinës së repartit infektiv", tha drejtoresha e QSUT-së, Gjeorgjina Kuli. Sipas saj, situata është nën kontroll dhe ambientet ku ra suvaja janë boshatisur. Njëra nga pacientet e lënduara nga ky incident është Nafie Kryemadhi, e cila ndodhej e shtruar në repartin infektiv. Ajo u dërgua në Spitalin Ushtarak në repartin e traumatologjisë, për të parë nëse kishte fraktura dhe pas ekzaminimeve u transportua sërish në QSUT. "Së bashku me të, në momentin e aksidentit ndodhej edhe Xhevahire Xhafa, e afërme e saj, por nuk pati asnjë pasojë. Edhe mjeku që po kryente EKO-n nuk pati probleme", tha Kuli.
Ndërkaq, mjeku Artan Harxhi, që ndodhej në shërbimin e EKO-s, ka sqaruar se është ndodhur në vendngjarje, por nuk ka pësuar dëme shëndetësore. Sakaq, dje shërbimi i EKO-s ka mbyllur dyert, ndërsa kjo ngjarje ka vendosur urat e komunikimit mes punëtorëve dhe punonjësve të spitalit.
Precedentët
Dy ditë më parë u shemb tavani i shkollës 9-vjeçare në fshatin Zhezhan të Komunës Allkaj në rrethin e Lushnjës, 110 nxënës braktisën mësimin. Ndërkaq, në datën 28 shkurt, në fshatin Urak të rrethit të Matit u shemb tavani i një klase në shkollën 9-vjeçare, ndërkohë që 15 nxënës mungonin në orën e dytë të mësimit. Fatmirësisht nuk pati të plagosur. Në këtë shkollë suvaja kishte rënë edhe një natë më parë, kur nuk zhvillohej procesi mësimor. Por jo vetëm kaq, vitet e fundit, në disa prej shkollave të Tiranës, ka rënë suvaja, ka pasur probleme me tavanet e godinave si gjatë rikonstruksioneve të ndërtesave ashtu edhe pas përfundimit të tyre. Një vit e gjysmë më parë, në shkollën e mesme teknike të hoteleri-turizmit, dy prej punëtorëve të ndërtimit gjetën vdekjen, si pasojë e një aksidenti në punë. Po kështu, pjesë suvaje të tavanit ka rënë edhe në gjimnazin "Sami Frashëri" në kryeqytet.