Bizneset shqiptare në vështirësi

Biznesi e ka vlerësuar tremujorin e dytë të vitit që lamë pas si më të vështirin që nga fillimi i vitit të kaluar.

Vrojtimi i fundit i Bankës së Shqipërisë, i cili hartohet mbi bazën e pyetjeve direkte te sipërmarrësit, tregon se bizneset e fushave kryesore të ekonomisë, si industria, ndërtimi dhe shërbimet e vlerësojnë gjendjen e tyre ekonomike në pikën më të ulët, duke raportuar rënie të prodhimit dhe kërkesës.

Veç klimës së pafavorshme, biznesi ka listuar në tremujorin e dytë të vitit edhe përkeqësimin e marrëdhënieve me administratën, si shkakun kryesor që ka dëmtuar gjendjen e tij.