Blendi Haxhimihali do sistemohet ne spitalin e Barit

TIRANE - Agjenti i plagosur ne aksionin per prangosjen e Ilir Pajes, do te udhetoje diten e sotme ne drejtim te Italise, ku ne Spitalin e Barit do te marre ndihme te specializuar mjekesore. Sipas burimeve nga Qendra Spitalore Universitare "Nene Tereza", gjate dy diteve te fundit eshte permiresuar gjendja shendetesore e Blendi Haxhimalit, i plagosur pak dite me pare ne aksionin per kapjen e shume te kerkuarit Ilir Paja. Shefi i sherbimit te urgjences kirurgjikale ne QSUT, Ylli Zicishti, ka deklaruar se agjenti ka dale nga gjendja kritike per jeten ne te cilen ndodhej prej disa ditesh. Sipas tij, agjenti i policise do te dergohet sot drejt Italise, ku do te trajtohet ne spitalin civil te Barit. Shkak i transportimit te pacientit drejt vendit fqinj eshte vazhdimesia e trajtimit, duke qene nen kontroll te plote me aparatura moderne. Agjenti do te transportohet me nje avion special te porositur nga ambasada italiane ne Shqiperi, ndersa qeveria italiane do te mbuloje te gjitha shpenzimet e trajtimit te tij ne spitalin civil te Barit. Dy dite me pare eshte bere kontrolli me skaner, pas te cilit agjenti rezultoi me mushkeri te demtuara, brinje te thyera dhe kafazi i kraharorit i gjithi i demtuar. Transportimi i agjentit te policise do te behet sot me autoambulance nga QSUT drejt aeroportit "Nene Tereza" e me pas me nje avion special do te transportohet ne spitalin civil te Barit.
A.C
Operacioni per kapjen e Ilir Pajes
Blendi Haxhimihali u plagos gjate nje operacioni te fshehte te Policise se Tiranes ne 6 mars te ketij viti, ne kryqezimin e "Rruges se Dibres" me ate "Bardhyl", prane spitaleve. Ndersa ishte vene ne ndjekie te te kerkuarit Ilir Paja, i denuar me burgim te perjetshem ne Itali per vrasje dhe i arratisur nga burgu, agjenti eshte goditur me makine nga 35 vjecari. Por gjate ndjekies Paja eshte rrethuar nga policet dhe mbeti i plagosur.