Bllokohen maunet me mallra për në Maqedoni

Një numër i madh kamionësh që ishin nisur për të importuar mallra në Maqedoni kanë mbetur të bllokuar në pikën doganore të Qafë-Thanës. Kjo ka ardhur për shkak të një problemi në sistemin e kompjuterit të policisë kufitare maqedonase. Ndërkohë që vijon normalisht procedura për kalimtarët, automjetet vazhdojnë të ngelen të bllokuara që prej ditës së shtunë, pasi bllokimi ka ndodhur për shkak se nuk mund të kryhet procedura e zhdoganimit të mallit.