Bllokohen ushqime jashtë standardit dhe të skaduara
23/03/2005 Kontroll inspektoriati
KORÇË - Gjatë dy ditëve të fundit nga ana e inspektoriatit rajonal të ushqimit në Korçë në bashkëpunim edhe me inspektoriatin sanitar shtetëror u krye një kontoll masiv në pjesën dërmuese të subjekteve, që tregtojnë me shumicë produkte ushqimore.
Për pasojë, 25 magazina u kontrolluan në qytetin e Korçës me qëllim që të shihej afati i skadencës dhe etiketimi i mallrave të importit në gjuhën shqipe si dhe marketingu dhe cilësia e produktit të gatshëm.
Sipas burimeve nga inspektoriati sanitar shtetëror, mësohet se në disa magazina u gjetën produkte në të cilat nuk ishin vendosur etiketa në gjuhën shqipe, kryesisht për mallra që vinin nga Turqia dhe Maqedonia. Gjithashtu, në mjaft magazina u gjetën edhe shumë produkte ushqimore të prodhuara në vend, të pashoqëruara me fletë-analiza nga prodhuesit e tyre.
Si rrjedhim, u bllokuan 991 kg të këtyre mallrave, që kapin një shifër prej 177 250 lekë (të reja). Gjatë këtij kontrolli u gjetën edhe mallra, për të cilat inspektoriati i ushqimit kishte dyshime për sa i përket cilësisë dhe afateve të skadencës, kryesisht djathë kaçkavall, gjalpë, biskota, lëngje frutash, çokollata etj. Kjo sasi malli u sekuestrua dhe u asgjësua duke u djegur nga komisioni i ngritur për këtë qëllim.
Sasia totale e mallit është 238 kg, me një vlerë prej 81000 lekë (të reja).
Të njëjtat burime bëjnë të ditur se në dy raste u vërejtën shkelje të dispozitave ligjore për sa i përket zbatimit të ligjit nr.7941, datë 31.05.1995 për ushqimin. Si rrjedhim u vendosën gjoba me një vlerë gati 10000 lekë (të reja). Në krahasim me kontrollet e kryera vitin e kaluar u vërejtën përmirësime, por ka ende shumë për të rregulluar, vërejnë inspektorët e këtij kontrolli.
991 kg ushqime
pa fletë-analize
177 250 lekë
vlera e ushqimeve të bllokuara
238 kg ushqime
të skaduara
81 000 lekë
vlera e ushqimeve të skaduara
2 subjekte
me shkelje të dispozitave ligjore
10 000 lekë
vlera e gjobave
KORÇË - Gjatë dy ditëve të fundit nga ana e inspektoriatit rajonal të ushqimit në Korçë në bashkëpunim edhe me inspektoriatin sanitar shtetëror u krye një kontoll masiv në pjesën dërmuese të subjekteve, që tregtojnë me shumicë produkte ushqimore.
Për pasojë, 25 magazina u kontrolluan në qytetin e Korçës me qëllim që të shihej afati i skadencës dhe etiketimi i mallrave të importit në gjuhën shqipe si dhe marketingu dhe cilësia e produktit të gatshëm.
Sipas burimeve nga inspektoriati sanitar shtetëror, mësohet se në disa magazina u gjetën produkte në të cilat nuk ishin vendosur etiketa në gjuhën shqipe, kryesisht për mallra që vinin nga Turqia dhe Maqedonia. Gjithashtu, në mjaft magazina u gjetën edhe shumë produkte ushqimore të prodhuara në vend, të pashoqëruara me fletë-analiza nga prodhuesit e tyre.
Si rrjedhim, u bllokuan 991 kg të këtyre mallrave, që kapin një shifër prej 177 250 lekë (të reja). Gjatë këtij kontrolli u gjetën edhe mallra, për të cilat inspektoriati i ushqimit kishte dyshime për sa i përket cilësisë dhe afateve të skadencës, kryesisht djathë kaçkavall, gjalpë, biskota, lëngje frutash, çokollata etj. Kjo sasi malli u sekuestrua dhe u asgjësua duke u djegur nga komisioni i ngritur për këtë qëllim.
Sasia totale e mallit është 238 kg, me një vlerë prej 81000 lekë (të reja).
Të njëjtat burime bëjnë të ditur se në dy raste u vërejtën shkelje të dispozitave ligjore për sa i përket zbatimit të ligjit nr.7941, datë 31.05.1995 për ushqimin. Si rrjedhim u vendosën gjoba me një vlerë gati 10000 lekë (të reja). Në krahasim me kontrollet e kryera vitin e kaluar u vërejtën përmirësime, por ka ende shumë për të rregulluar, vërejnë inspektorët e këtij kontrolli.
991 kg ushqime
pa fletë-analize
177 250 lekë
vlera e ushqimeve të bllokuara
238 kg ushqime
të skaduara
81 000 lekë
vlera e ushqimeve të skaduara
2 subjekte
me shkelje të dispozitave ligjore
10 000 lekë
vlera e gjobave