Bode: 60 per qind e kandidateve per KK, te rinj
Kuvendi Kombetar i Partise Demokratike, zgjodhi nje shtab politik, qe do te beje te mundur projektin e Shqiperise Evropiane. Keshtu u shpreh dje, gjate zhvillimit te punimeve te ketij kuvendi, sekretari i Pergjithshem i PD-se, Ritvan Bode. Sipas tij, PD po rikonfirmon gjithnje e me shume vlerat qe mundesuan fitoren e kesaj partie ne zgjedhjet parlamentare te 28 qershorit. "Keshilli Kombetar eshte nje nga forumet me te rendesishme te partise dhe mbi 60 per qind e kandidateve te propozuar jane te rinj", tha Bode. Per sa i perket ndryshimeve ne statutin e partise, Bode u shpreh se ato reflektojne dhe i pergjigjen stadit te zhvillimit te vendit. Po keshtu, gjate votimit te djeshem, Astrit Patozi, u shpreh se procesi i zgjedhjeve te brendshme ne PD, u zhvilluan ne perputhje te plote me statutin e kesaj force politike. Partia Demokratike e organizoi me dy faza zhvillimin e Kuvendit te saj Kombetar. Pas fitores te mandatit te dyte ne zgjedhjet parlamentare te 28 qershorit, mbledhja e djeshme vleresohet si nje percaktim dhe qartesim i detyrave dhe detyrimeve per te kapur nje horizont te ri, horizontin e Shqiperise evropiane. Delegatet e Partise Demokratike, votuan dje ne dy kuti. Ne nje ishte per kreun e Partise Demokratike dhe ne tjetren, per anetaret e Keshillit Kombetar te kesaj force politike. Kuvendi i 9-te i PD-se, zgjati rreth 12 ore dhe kjo per shkak te procesit te numerimit te votave, kryesisht per anetaret e Keshillit Kombetar te PD-se, i cili ishte me i nderlikuar.