Bode: Projekti i Jugut do vazhdoje edhe nese Banka Boterore terhiqet

Tiranë, 27 shkurt, 12:22, NOA – Projekti turistik në zonën e Jugut do të vazhdojë edhe nëse Banka Botërore mund të vendosë të tërhiqet prej tij.

Kjo pasi, Banka Botërore nuk është i vetmi institucion që e financon atë.

Një fakt të tillë e ka deklaruar gjatë një konference për shtyp, ministri i Financiave, Ridvan Bode.

Sipas tij, projekti i Jales ka për të vazhduar edhe me paratë e qeverisë shqiptare, si edhe ato të donatorëve të tjerë.

Ministri pohoi se nga pala shqiptare është kërkuar ballafaqim i fakteve me Bordin e Drejtorëve Ekzekutivë të Bankës Botërore.

“Do i kërkojmë Bankës Botërore të shprehet për kredinë”, tha Bode. Duke shtuar se “

në këtë projekt ka edhe donatorë të tjerë dhe nëse Banka Botërore kundërshton, projektin do e vazhdojmë me paratë tona”.

n.e/NOA