Bogdani-Pelisie, sulmi i Kievos ndaj Romës

Erjon Bogdani vazhdon të ruajë formën e mirë në këtë pjesë të fundit të sezonit të Serisë A, ku Kievo ka shumë nevojë për të dhe golat e tij. Skuadra është e rrezikuar nga rënia për në Serinë B, edhe pse për momentin është jashtë zonës së ftohtë. Këtë javë i pret një ndeshje shumë e vështirë në stadiumin Olimpiko kundër skuadrës së Romës. Trajneri i veronezëve, Mimo di Karlo, i ka besuar sërish sulmuesit shqiptar bluzën e titullarit për takimin e sotëm në kryeqytetin italian, ku së bashku me Serzh Pelisie do të formojnë dyshen e repartit ofensiv, që ka si objektiv të shënojë golin e 300-të të Kievos në Serinë A. Trajneri Di Karlo i ka deklaruar të dy sulmuesve për ndeshjen ndaj Romës dhe synon vetëm të fitojë pikë. "Ne nuk hyjmë në fushë të mundur që më parë", nënvizoi trajneri Di Karlo.