Braçe: Llotaria kombëtare po u shitet klientëve të Berishës

Tiranë- Llotaria kombëtare është bërë pjesë e diskutimeve të deputetit Erion Braçe në parlament. Deputeti ka denoncuar korrupsionin që po bëhët me tenderin e llotarisë ndërkohë që ka akuzuar Berishën se po ia shet llotarinë një klienti të tij.

Shikoni se cfarë po ndodh me atë lotarinë e famshme kombëtare që po konsumohet si korrupsion vetëm gjatë këtyre ditëve. Nuk ka interes publik aty. Interesi i vetëm i Sali Berishës as paratë në buxhetin e shtetit, se 3.5 milionë euro, kur mund të shitet me miliona euro natyrisht që nuk demostrojnë interes publik. Thjesht dhe vetëm interesi i Sali Berishës është ta dërgojë tek klientët e tij dhe kjo tashmë edhe e verifikuar. Ne e kemi ngritur shqetësimin nisur nga interesi publik këtu në Parlament që ajo lotari të mbetet shtetërore. Ne tender dje është paraqitur kompania shtetërore austriake, pra këta të BE-së e paskan standard mbrojtjen e interesit publik edhe në këtë fushë, kurse ne jo, duhet ta bëjmë privat, theksoi Brace.

Skandali i llotarisë kombëtare i bërë publik nga gazeta Panorama, pas një letre që kompania Intralot, i dërgoi ministrit të Financave, ku , pretendon se kriteret e vendosura për kualifikimin e kompanive për procesin e tenderimit të Lotarisë Kombëtare, paracaktojnë fituesin.

I njëjti skenar u përsërit sërish ku një tjetër kompani, këtë herë turke Inteltek, dërgoi një tjetër letër ankesë ministrisë së financave ku paralajmëronte shtetin shqiptar për humbjen e miliona eurove nga mungesa e një oferte financiare.

Ndërkohë pavarësisht thellimit tw skandalit qeveria organizoi dje tenderin ku morrën pjesë vetëm dy kompani, të cilat nuk propozuan asnjë ofertë financiare.