"Brace mashtron, Investimet jane 8-fishuar kete vit"

Menjehere pas akuzave te nenkryetarit te Grupit parlamentar socialist, Brace, per shkurtim fondesh per sherbimet, ka reaguar Ministria e Puneve Publike, Transporteve dhe Telekomunikacioneve. Ne nje njoftim per mediet, ajo ka renditur nje sere shifrash per investime, nepermjet te cilave ka rrezuar akuzat e Braces. Sipas kesaj ministrie, investimet per vitin 2008 jane sa tete-fishi i investimeve ne vitin me te mire te qeverisjes se PS, vitin 2004. Nderkohe qe ne lidhje me rrugen Shkoder-Hani i Hotit, ai ka garantuar se kjo rruge perfundon shpejt dhe procedurat e tenderimit kane qene teresisht transparente. Duke permendur te gjitha rruget qe jane ne ndertim e siper, sipas afateve te percaktuara, MPPTT shprehet nepermjet njoftimit per mediet se "per sa i perket ujesjellesve sqarojme se investimet e buxhetit vetem ne rrethin e Beratit jane 780 milione leke. Vetem ne zonen e tij elektorale investimet ne ujesjelles, jane me te medha sesa kane qene investimet socialiste ne ujesjelles ne te gjithe rrethin e Beratit. Por per te konstatuar kete, zotit Brace i duhet te shkoje ndonjehere edhe ne zone, gjithmone ne qofte se e pranojne".