Braho: Sot do te nisim procedurat per referendum
Levizja Socialiste per Integrim do te nise procedurat per realizimin e nje referendumi, sa i takon ndryshimeve kushtetuese. Nje fakt i tille u be dje i ditur nga deputeti i kesaj partie, Spartak Braho, i cili gjate nje prononcimi per shtyp vleresoi se "LSI dhe partite e tjera, kundershtojne ndryshimet per ceshtjen e sistemit zgjedhore dhe menyren e zgjedhjes se Presidentit". Sipas tij, i gjithe blloku parlamentar qe kundershton keto ndryshime eshte i pergatitur per te marre dhe hapa te tjere ligjore, ne rastin konkret referendumin. "Jo vetem Levizja Socialiste per Integrim, por i tere blloku qe kundershton keto ndryshime eshte pergatitur per te filluar qe sot procedurat per referendum", vuri ne dukje Braho, lidhur me kete ceshtje. Nderkaq, ne nenin 150 te Kushtetutes, eshte percaktuar qarte dhe menyra e referendumit. Sipas ketij neni te Kushtetutes, populli nepermjet 50 mije shtetasve me te drejte vote, ka te drejten e referendumit per shfuqizimin e nje ligji, si dhe t'i kerkoje Presidentit te Republikes zhvillimin e referendumit per ceshtje te nje rendesie te vecante. Nga ana tjeter dhe Kuvendi, me propozimin e jo me pak se nje se pestes se deputeteve ose me propozimin e Keshillit te Ministrave, mund te vendose qe nje ceshtje ose nje projektligj i nje rendesie te vecante te shtrohet ne referendum. O.XH