Britania përshëndet vendosjen e marrëdhënieve diplomatike Kosovë-Maqedoni

Ministri britanik i Shtetit për Evropën, Chris Bryant përshëndeti vendosjen e marrëdhënieve diplomatike ndërmjet Kosovës dhe Maqedonisë, thuhet në një njoftim të ambasadës së Britanisë së Madhe në Shkup.
"Britani e Madhe mirëpret përcaktimin përfundimtar të demarkacionit kufitar ndërmjet Kosovës dhe Maqedonisë, në përputhje të plotë me Planin Ahtisaari, dhe vendosjen e marrëdhënieve diplomatike ndërmjet Shkupit dhe Prishtinës. Përshëndes të dy vendet për këtë hap përpara, që konsolidon më tej stabilitetin në rajon", thekson ministri Bryant sipas komunikatës së ambasadës britanike.