Bumci: Qeveria nuk e merr ne varesi prokurorine, respektojme pavaresine

TIRANE - Maxhoranca terhiqet nga ideja per te kaluar institucionin e Prokurorise se Pergjithshme ne varesi te ekzekutivit. Ide kjo e hedhur dhe e mbrojtur kohe me pare nga ish-ministri i Drejtesise, Ilir Rusmali. Deputeti demokrat, Aldo Bumci tha dje se "maxhoranca eshte per nje prokurori qe nuk varet nga ekzekutivi". Duke hedhur poshte keshtu debatet e deritanishme mbi ndryshimet ligjore per statusin e ketij institucioni. Bumci theksoi se "Prokuroria eshte nje institucion i pavarur", duke lene te kuptohet se nuk do te preket nga reforma te tilla, qe synojne cenimin e pavaresise se tij. Nga ana tjeter, deputeti demokrat beri te ditur se maxhoranca, ku ai ben pjese, eshte e vendosur qe te realizoje reformat ne bashkepunim me opoziten e majte. "Reformat jane te lidhura drejtperdrejt me formimin e shtetit. Ne jemi te vendosur te bashkepunojme ngushte me opoziten per reformat kyce ne vend", theksoi Bumci. Madje ai u shpreh i bindur se reforma te rendesishme, si ajo zgjedhore dhe ne drejtesi, do te realizohen me konsensus, jo per hir te kartoneve ne Kuvend, por thjesht se jane te lidhura e te rendesishme per formimin e shtetit. "Reformat zgjedhore dhe ne drejtesi nuk mund te realizohen pa opoziten sepse zgjedhjet jane themeli i demokracise dhe stabilitetit te vendit", vijoi Bumci. Ai vleresoi faktin qe pjesa me e rendesishme e reformes qe ka beje me ndryshimet kushtetuese u krye dhe kjo ne bashkepunim me opoziten e majte. "Ne kaluam bashkerisht me opoziten ne Kuvend ligjin per pushtetin gjyqesor qe eshte nje nga ligjet kryesore te sistemit te drejtesise", theksoi demokrati. Po keshtu ai shpresoi se nje bashkepunim i tille me te majten do te vijoje edhe ne shtator me reformen ne drejtesi ate zgjedhore por dhe ne miratimin e ligjeve te rendesishme si ai per "spiunet". "Reforma te tilla nuk mund te realizohen pa opoziten pasi jane shume te rendesishme jo per numer te votave, por per ceshtjet qe mund te prekin", tha Bumci.