Buna: Teuten, aty ku e ka vendin!
Fale disiplines taktike qe shfaq ne fushe, mesfushori Qazim Buna eshte nje prej lojtareve me te rendesishem tek skuadra durrsake. Sezonin e kaluar, Buna, se bashku me portierin Kapllani, kane qene lojtaret qe kane luajtur me shume ndeshje per Teuten. Kjo tregon se sa i nevojshem eshte ky futbollist per bregdetaret. Ne fazen pergatitore qe Teuta ka zhvilluar ne Pogradec, mesfushori ka ruajtur te njejtin rendiment. Ndaj dhe Starova e cmon qendrueshmerine e lojes se tij dhe e konsideron si nje prej lojtareve qe i ka mundesite shume te medha per te qene titullar ne mesfushen bregdetare.
Dje keni perfunduar pergatitjet ne Pogradec.
Kane qene tre jave pergatitje me nje ritem mjaft te larte, pasi sterviteshim cdo dite me nga dy seaanca stervitore. Ndonese ishte pak e lodhshme, kjo faze eshte e domosdoshme per te perballuar me sukses nje sezon te gjate. Kjo persa i perket aspektit fiziko atletik, sepse taktikisht, mendoj se duhet te vazhdojme te punojme shume per te formuar nje grup sa me solid.
Keni munguar ne stervitjen e fundit. Pse?
Per shkak te nje gjendjeje gripale, me eshte dashur te qendroj ne hotel. Shpresoj qe ne miqesoren qe skuadra do te beje me Kastriotin te jem i gatshem.
Sezoni i kaluar ka qene i ngarkuar persa i perket aktivizimeve. Sa mund te perballoni ne te riun?
Aktualisht jam duke kaluar nje moment te mire. Shpresoj qe te vazhdoj me kete ritem, per te qene sa me i dobishem per Teuten.
Jeni nje lojtar qe pershtateni ne shume pozicione; ndoshta kjo e ben me te lehte per ju te jeni titullar?
Une perpiqem te jap me te miren kudo qe me vendos trajneri. Vec faktit qe arrij te pershtatem shpejt ne disa pozicione, forma e pelqyeshme qe po kaloj tani, vjen dhe ngaqe aktualisht kam arritur nje kondicion te mire fizik.
Mendoni se Teuta do t'i beje tifozet durrsake te kthehen serish ne stadium?
Shpresoj shume qe kete vit t'i shoh shkallet e stadiumit "Niko Dovana" te mbushura me tifoze. Sezonin e kaluar i kemi zhgenjyer jo pak me rezultatet e dobeta dhe ata me te drejte na braktisen. Kete vit Teuta ka nje skuader me te kompletuar, pasi prane saj jane afruar disa lojtare cilesore. Ndaj te gjithe kemi si detyrim te japim maksimumin dhe ta ngreme skuadren durrsake ne nivelet qe sportdashesit e saj jane mesuar ta shohin ne 15 vitet e fundit.
Bleda Kadiu