Bush kundër Moskës për futjen në NATO të Ukrainës dhe Gjeorgjisë

Kiev- presidenti amerikan George Bush ka mbrojtur fort dje në Kiev, kërkesën e Ukrainës dhe Gjeorgjisë për të hyrë në NATO. Ai ka deklaruar se Moska nuk ka të drejtën e Vetos për vendimet që do të merren sot në Bukuresht, ku do të mbahet Samiti i NATO-s. Presidenti amerikan në një konferencë shtypi të mbajtur sëbashku me presidentin e Ukrainës Viktor Jushenko ka treguar mbështetjen e tij për anëtarësimin e Ukrainës Gjeorgjisë në NATO. Ai ka deklaruar : “Kam ndërmend të jap një mesazh të qartë”, për të treguar se Shtetet e Bashkuara të Amerikës i mbështetin këto dy vende. “Patjetër që vetëm ndalimi im në Kiev nuk mjafton:-ka shtuar ai-por kemi krijuar një rrjet kontaktesh të mira me partnerët tanë të NATO-s, për t’i bindur për rëndësinë e inkurajimit të kërkesës së Ukrainës dhe Gjeorgjisë”. Nga ana tjetër Rusia ka paralajmëruar NATO-n të mos luajë me zjarrin duke kërcënuar për raprezalje.

Dje Ministri i Jashtëm rus Gregor Karasin ka thënë se një vendim i tillë do të sjellë një krizë të thellë mes Moskës dhe Kievit. Nga ana tjetër presidenti Bush ka  replikuar duke thënë se “Moska nuk ka të drejtën e Vetos për vendimet që do te merren në Bukuresht” . Megjithatë një ‘JO’ e thatë për Kievin dhe Tbilisin ka ardhur edhe nga Parisi. Franca është kundër hyrjes së Ukrainës dhe Gjeorgjisë në NATO. Këtë e ka deklaruar kryeministri francez Fransua Fijo.

Samiti që mbahet sot në Bukuresht do të nisi sot në darkë dhe përfundon të premten pasdite. Punimet do të mbahen në shtëpinë e popullit e cila është godina më e debatuar në vend. Ajo është ndërtuar nga ish diktatori komunist Mikolaj Çaushesku, mes viteve 1984-1989 dhe është ndërtuar në një mënyrë të tillë që mund të shihet nga çdo kënd i Bukureshtit. Ndërtesa është e rregjistruar në librin e rekordeve gines pas Pentagonit.