Buxheti 2023/ Çuçi: Rrisim pagat për 7 mijë punonjës policie

Gjatë 2023 rritje të pagave përveç ushtarakëve do të ketë edhe për Policinë e Shtetit me 15 %. Nga kjo rritje tha ministri i Brendshëm, Bledi Çuçi do të përfitojnë 7 mijë punonjës.

Duke diskutuar për buxhetin 2023, Çuçi tha se ekonomia po përballet me kërcënime për shkak të krizës, por që buxheti për vitin e ardhëm është realist dhe adreson këto problematika.

“Bëmë të mundur të rrisim pagat për mbi 7 mijë punonjës të policisë së shtetit në masën mbi 15%. Kjo është një rritje, më e madhja e bërë në një moment të caktuar. Këtë rritje do ta garantojmë në mënyrë të qëndrueshme me buxhetin e 2033 dhe më tej. Buxheti është realist edhe ndaj kërcënimeve të tjera që i vijnë Shqipërisë. Një nga këto janë sulmet kibernetike të ardhura nga Irani”, tha Çuçi.

/rtsh.al/