"Buxheti, mbeshtetje prioriteteve te integrimit"

Buxheti i shtetit per vitin e ardhshem ka per qellim, mbeshtetjen e prioriteteve te programit te qeverise se integrimit evropian ne fushen ekonomike, shoqerore dhe te reformave institucionale, perdorimin efecient te fondeve publike si dhe zhvillim ekonomik te qendrueshem te vendit. Keshtu e permblodhi dje ne Kuvend, ministri i Financave, Ritvan Bode, buxhetin e shtetit per vitin e ardhshem. Sipas ministrit, me kete buxhet, mbeshtetet me rritem me te shpejte e permiresimit te sherbimeve ne sektoret e shendetit dhe arsimit publik. "Fondet per shendetesine rriten me 20% ne krahasim me vitin 2009 dhe investimet me 56% ne kete sektor. Ndersa ne arsimin publik respektivisht rriten me 12% dhe 32% ne krahasim me vitin ne vijim", u shpreh Bode. Sipas tij, buxheti ne mbeshtetje te bujqesise, rritet me 225 ne krahasim me vitin 2009 duke rritur fondet per ujitjen, per programin e ullirit si dhe mbeshtetjen e buxheteve te familjeve e individeve per nxitjen e rritjes se prodhimit bujqesor e blegtoral. "Pagat parashikohen te rriten nga 1 korriku me 4-10% te nivelit ekzistues me nje efekt vjetor prej rreth 6 miliard lekesh. Ndersa pensionet nga 1 korriku 2010 do te rriten me 7-15% nga niveli ekzistues me nje efekt vjetor prej 5.8 miliarde lekesh", theksoi Ministri. Ai shtoi se edhe fondet per politikat e mbrojtjes shoqerore rriten me 15% ne krahasim me faktin e vitit ne vijim. Nje program i ri ne Buxhetin e 2010 sipas Bodes, eshte edhe krijimi i fondit per zhvillimin e rajoneve. Ky program perben nje kontribut te ri ne partneritetin e qeverise qendrore me pushtetin lokal dhe merr ne konsiderate nevojen e zhvillimit te integruar ekonomik e shoqeror te te gjithe territorit te vendit duke mbeshtetur programet zhvillimore te qarqeve si dhe synon perdorimin eficient dhe efikas te fondeve te medha publike ne funksion te zhvillimit te komuniteteve lokale.