Cambiasso e refuzoi Galatasarayn

Lajme të këqija për tifozët e Galatasarayt, e të mira për ata të Interit. Esteban Cambiasso e ka refuzuar edhe zyrtarisht ofertën e Galatasarayt.

Ditët e kaluara, trajneri i ri i klubit turk, Fatih Terim, kishte deklaruar se ishte në kërkim të një mesfushori dhe se do të bënte gjithçka për ta sjellë në Turqi futbollistin argjentinas.

Mirëpo, ish mesfushori i Real Madridit ka vendosur të qëndrojë te klubi Nerazzurr, me të cilin ka ende kontratë. Tash, klubi nga Stambolli duhet ta kërkojë një mesfushor tjetër.