Capello refuzon Interin
Fabio Capello ka mohuar mundësinë e emërimit të tij në postin e trajnerit të Interit në fund të këtij sezoni.
Ish selektori i Italisë është përmendur si kandidat për pasardhës të Claudio Ranierit, i cili është nën presion të madh në pankinën e Nerazzurrëve. Por, Capello përjashtoi mundësinë e angazhimit të tij në Giuseppe Meazza.
“Është thënë se jam takuar me presidentin Moratti në Londër? Gënjeshtra. E ardhmja ime në Inter? E përjashtoj 100 për qind”, deklaroi Capello për Sky Sport 24.