Ceka: Ftesa per nderkombetaret, kompleks inferioriteti

Kryetari i Partise Aleanca Demokratike, Neritan Ceka, deklaroi dje se politika shqiptare ka krijuar nje ndjenje inferioriteti nga ndermjetesit nderkombetare. “Perpjekja per te ftuar nderkombetaret eshte gjithmone nje kompleks inferioriteti qe kane shqiptaret, qe sa here nuk i zgjidhin punet e tyre mundohen te nderkombetarizojne ceshtjen dhe rezultatet kane qene gjithmone negative per Shqiperine”, u shpreh Ceka gjate nje prononcimi per mediat. Sipas tij, kane qene tre tryezat e rezultateve te kryesuara nga presidentet per zgjidhjen e ngerceve. Ai tha se e para ishte ne '97 kur Franc Vranicki vendosi te negocioje me te gjitha palet, duke u perpjekur te binde presidentin e atehershem Berisha per nevojen e nje qeverie teknike dhe e ftoi opoziten t’i bente thirrje popullit te mos rrembente armet. “Me kujtohet qe erdhi Vranicki dhe nuk i uli dot shqiptaret per te gjetur nje zgjidhje, ishin vete shqiptaret qe ne nje moment te caktuar vendosen ta bejne tryezen e partive politike me Presidentin e atehershem Berisha dhe gjeten zgjidhjen te zgjedhjet e parakohshme”, solli ne vemendje lideri i PAD. Ai tha se nje tjeter tryeze ishte ajo 2007, e thirrur nga presidenti Moisiu. Sipas tij, ishin zgjedhjet qe u diskutua, ceshtja e kohes, pastertise se zgjedhjeve, dhe perseri u be me iniciativen e Presidentit Moisiu sepse nuk pati nje zgjidhje ne Parlament. “Po ashtu ne 2008, ne pritje te zgjedhjeve te 2009, presidenti Topi organizoi tryezen e tre te partive. Por nje tjeter sfide e veshtire per politiken shqiptare pas viteve 2000, ishte zgjedhja e presidentit te Republikes ne vitin 2002”, sqaroi Ceka. Sipas tij, pas nderhyrjes se kryetares se delegacionit te Parlamentit Evropian per Evropen Juglindore, Doris Pak, Nano dhe Berisha rane dakord per Alfred Moisiun si President.