Celet ekspozita e doreshkrimeve bizantine dhe pasbizantine ne Shqiperi
Ne mjediset e Arkivit Qendror te Shtetit Shqiptar u zhvillua dje konferenca dhe inaugurimi i "Ekspozites se doreshkrimeve bizantine dhe pasbizantine ne Shqiperi". Konferenca shkencore u zhvillua nen ritmet e shoqerise se muzikes bizantine, nen kujdesin e vecante te kryeministrit Sali Berisha, i cili ishte dje i pranishem ne ambientet e AQSH-se. Ekspozita, e cila i drejtohet publikut te gjere, i sjell per here te pare vizitorit mundesine te adhuroje Doreshkrime dhe Kodike nga shek. VI deri ne shek. XVIII pas Krishtit, qe ruhen nga A.Q.SH, si dhe te vleresoje rendesine e tyre historike artistike. Doreshkrime Bizantine dhe Pasbizantine ne Shqiperi, qe i perkasin periudhave te ndryshme disa shekullore, jane ekspozuar nga Arkivi Qendror i Shtetit fale Kishes Autoqefale Shqiptare, ne bashkepunim me Fondacionin Helenik Kulturor, Fondacionin Kulturor te Bankes Kombetare te Greqise. Kryeministri Sali Berisha i vleresoi doreshkrimet ne fjale si nje vlere kombetare qe sipas tij, fakton se pari ekzistencen e kombit shqiptar dhe se dyti, kontribuon ne krijimin e fese kristiane. "Dokumentet qe ju paraqisni sot, para nesh, jane nje deshmi e pavdekesise se kombit shqiptar. Te shkruara shekuj e mijevjecare me pare, te shkruara ne greqisht dhe latinisht, ne cdo germe, ato mbartin ne vetvete krijimin shqiptar. Dora mjeshterore e shqiptareve qe i shkruan ato, beri te mundur qe ato te ruhen, te njihen ne mbare boten dhe disa prej tyre t'i perkasin memories se njerezimit. Dokumentet jane te shkruar ne greqisht, ka dhe syresh te shkruara ne latinisht. Ato ishin gjuhet qe dominonin koherat, gjuhet qe perdornin kombet e qyteteruara. Por dokumentet kane nje deshmi tjeter te thelle. Po t'i ndiqni me vemendje, ato faktojne kontributin e shqiptareve si komb themelues i krishterimit dhe i qyteterimit perendimor", tha Berisha.
Nder te tjera, kreu i qeverise deklaroi mbeshtetjen e qeverise se tij per zhvillimin dhe ruajtjen e vlerave te tilla. Nga ana e saj, drejtoresha e Arkivit Qendror te Shtetit, Nevila Nika, i konsideroi keto doreshkrime si mjetin me origjinal te identitetit kombetar. Ne ceremoni merrnin pjese edhe kryetarja e kuvendit Jozefina Topalli, si dhe kleriket e Kishes Autoqefale Shqiptare. Ekspozita e doreshkrimeve bizantine dhe pasbizantine organizohet nga Arkivi Qendror i shtetit shqiptar, Vatra e Tiranes se Fondacionit Grek te Kultures, Fondacioni Kulturor i Bankes Kombetare te Greqise dhe Kisha Ortodokse Autoqefale te Shqiperise. Ekspozita do te vazhdoje nga 4 maji deri me 4 qershor 2010 dhe do te jete e hapur gjate diteve e hene -e premte, nga ora 10:00-17:00 dhe e premte- e shtune, ora 10:00-14:00.