Cërvenkovski: Korridori 8 i rëndësishëm për rajonin

Sofje - Maqedonia është e hapur për të bashkëpunuar jo vetëm me Bullgarinë por edhe me vende tjera të rajonit përsa i përket ndërtimit të Korridorit të 8-të. Gjatë një vizite zyrtare që po zhvillon në Sofje, presidenti maqedonas Branko Cërvenkovski ka vlerësuar si mjaft të rëndësishëm ndërtimin e këtij projekti, jo vetëm për vendin e tij, por për mbarë rajonin. “Korridori 8 nuk është vetëm në interes të Maqedonisë dhe Bullgarisë, por edhe Shqipërisë, Turqisë, dhe Italisë”, tha ai pas takimit që zhvilloi me homologun bullgar Georgi Përvanov.