Cilesia e duhanit, laborator ne ISHP

Sonila Isaku
Nje qender e specializuar me aparaturat perkatese do te ngrihet ne Institutin e Shendetit Publik per te kontrolluar cilesine e duhanit qe konsumojne shqiptaret. Ky vendim eshte marre dje gjate mbledhjes se Komisionit ndersektorial per mbrojtjen e shendetit nga keto produkte. Duke pare se shpesh here firmat qe sjellin paketat e cigareve ne vendin tone, abuzojne me cilesine e tyre, kjo qender do te vertetoje nese keto paketa do te hidhen ne treg per konsum ose jo. “Do te jete Instituti i Shendetit Publik, me qendren e re qe do te ngrihet, i cili do te merret me matjen e cilesise se duhanit. Specialistet, do te jene ata qe do te percaktoje nese keto produkte do t’i ofrohen tregut ose jo”, deklaruan dje anetaret e komisionit te anti-duhanit. Sipas tyre, ky laborator kontrolli do te jete gati deri ne muajin tetor te ketij viti, ndonese duhet te ishte ngritur kohe me pare, ashtu sic e parashikonte edhe ligji i duhanit. Por, meqenese jane shtyre afatet per pullat dhe pjeset informuese per ne fillim te 2009, atehere edhe ky laborator do te jete gati brenda ketyre afateve.
Specialistet, qe do te kryejne keto matje, kane per detyre qe t’i tregojne publikut dhe sidomos duhanpiresve per nivelin e katranit dhe nikotines qe permbajne paketat e duhanit. Po keshtu, matja duhet te behet edhe per monoksidet e karbonit, te cilet duhet te shfaqen ne pjese te dukshme te paketes. Po keshtu, specialistet duhet te shpjegojne edhe ndikimin e nikotines, karbonit dhe katranit ne shendetin e duhanpiresve si dhe per cdo efekt qe shkakton ose mendohet te shkaktoje te ta. “Pas matjeve qe do te behen, specialistet duhet te deklarojne nivelet e katranit, nikotines dhe karbonit, duke i vendosur ato ne pjese te dukshme dhe te jene informuese per qytetaret”, theksoi ministri i Shendetesise, Nard Ndoka. Pervec ketyre matjeve qe do te behen nga Instituti i Shendetit Publik do te jene dhe kater broshura, te cilat do te informojne publikun per demet qe sjell duhani.
Berati, qyteti qe zbatoi me mire ligjin
Ne analizen e kryer nga anetaret e komisionit ndersektorial per ligjin kunder konsumit te duhanit, kane dale ne pah edhe rrethet, te cilet e kane zbatuar me mire ate. Ka qene qyteti i Beratit, i cili ka pasur numrin me te paket te ambienteve ku konsumohej duhan, nderkohe qe edhe policia bashkiake ka punuar se bashku me inspektoret sanitare. Kurse, per sa u perket nivelit te gjobave te vendosura, rezulton se numri me i madh ka qene ne Tirane. Por, pervec rretheve, te cilet jane angazhuar ne zbatimin e ligjit ka pasur edhe nga ata, te cilet nuk kane marre asnje mase per zbatimin e tij. Keshtu kane qene Gjirokastra, Elbasani, Vlora etj., te cilet kane marre shume pak masa per ndalimin e konsumimit te duhanit ne vendet publike.

Kane zbatuar ligjin
Berati
Tropoja
Puka
Malesia e Madhe
Librazhdi
Fieri
Korca
Delvina

Nuk kane zbatuar ligjin
Tirana
Gjirokastra
Elbasani
Vlora