Shendetesia, skanere per 12 spitalet rajonale
Spitalet rajonale do te pajisen me skaner. Ky eshte vendimi qe ka marre Ministria e Shendetesise pas konkretizimit te projektit per shkrirjen e spitaleve te rretheve dhe forcimin me aparatura dhe mjeke te spitaleve rajonale. Keshtu, sipas projektit, nga 42 spitale ne rrethe, vetem 12 do te vazhdojne te kryejne kete funksion. Disa prej tyre do te mbyllen dhe do te kthehen ne spitale ditore, sipas rekomandimit te Organizates Boterore te Shendetesise. “Spitalet e qarqeve apo rajonale do te pajisen me skaner, kjo per te permiresuar sherbimin shendetesor te tyre. Nderkohe qe spitalet e rretheve do te kthehen ne spitale ditore, pra poliklinika dhe pacientet do te marrin vetem ndihmen e pare”, beri te ditur dje drejtori i Politikave dhe Projekteve ne Ministrine e Shendetesise, Edmond Stojku. Sipas tij, nderhyrjet kirurgjikale dhe sherbimet me te specializuara, pacientet e ketyre rretheve do t’i marrin ne spitalet rajonale, te cilet do te kene investime te medha.
Fatin e mbylljes do ta kene spitale te tille si ai i Skraparit, Tropojes, Selenices apo qytete te tjera, qe kane shume afer ne rruge tokesore spitale me te medha. Kjo politike eshte kundershtuar nga shume drejtues ne rrethe, por vleresimi do te behet ne baze te numrit te popullsise ne zona te ndryshme te vendit. “Megjithese kemi pasur kundershtime nga drejtues te ketyre spitaleve te rretheve, te cilet do te kthehen ne poliklinika, vleresimi per funksionimin e tyre si deri me tani do te behet ne baze edhe te numrit te popullsise dhe sherbimeve qe ofrojne”, vazhdoi Stojku. Kjo nisme do te merret per te ulur kostot e medha qe ka aktualisht Ministria e Shendetesise. Sipas tij, per zonat qe nuk lidhet dot me rruge tokesore, funksionon sherbimi ajror, ne dispozicion te se cilit do te vijne edhe dy helikoptere nga Gjermania. Nisur nga amortizimi i me shume se 80 per qind te pajisjeve mjekesore ne vendin tone, Ministria e Shendetesise po ben nje inventarizim te tyre, duke synuar zevendesimin e aparaturave qe nuk kryejne me funksionin e tyre.