Civici: Hyrja në eurozonë, pozitive

Pavarësisht krizës ekonomike euro vazhdon që të mbesë një prej monedhave më të fuqishme për shkak të bashkimit të fuqishëm që ekziston midis vendeve europiane. Eksperti i ekonomisë dhe rektori i Universitetit Europian të Tiranës Ardian Civici deklaron se pikërisht për këtë fakt edhe synimi i vendit tonë për të shkuar drejt eurozonës është i domosdoshëm pasi do të ndikonte pozitivisht edhe në ekonominë tonë. Megjithatë edhe kjo sipas Civicit duhet që të realizohet për një periudhë kohore të caktuar .
Ndërkohë që nivelin e euros kundrejt lekut, eksperti i ekonomisë Ardian Civici e shpjegon me prurjet e emigrantëve si dhe futjen në treg në prodhimeve të vendit. Sipas Civicit euro mund të rikthehet ne vlera të larta pikërisht në muajt e dimrit.
Gjithsesi kriza ekonomike në vendin fqinj sipas Civicit ka dhënë efektet e veta në luhatjen e euros, por që pritet që shumë shpejt çdo gjë të stabilizohet duke qenë se Greqia ka pranuar tashmë ndihmën e FMN-së.