Cosmi shkarkohet nga Livorno

Serse Cosmi është shkarkuar nga detyra e trajnerit në Livorno dhe është zëvendësuar nga Gennaro Ruotolo.

Klubi toskan gjendet në pozitën e fundit në Serie A dhe pavarësisht barazimit në udhëtim te Genoa të shtunën, bordi i Livornos ka vendosur të bëjë ndryshime në stafin teknik.

Ruotolo ka qenë në drejtim të Livornos duke udhëhequr klubin drejt rikthimit nga Serie B sezonin e kaluar. Ai do të drejtojë ekipin deri në fund të sezonit, me mundësi të qëndrimit afatgjatë.