Danimarka mund Maltën dhe ruan vendin e parë

 

Në ndeshjet e djeshme kualifikuese të Botërorit “Afrika 2010”, të vlefshme të grupit 1, Danimarka ka arritur të mbajë kreun. Ka mjaftuar një fitore e lehtë e skuadrës së Morten Olsenit, pikërisht në Maltë, që nordikët tashmë ta shohin dhe më pranë Botërorin. E kanë zgjidhur shpejt ndeshjen, kur Larsen ka realizuar dopietë në të 12’ dhe në të 23’. Dhe në fund, një gol i Nordstrand, në të 89’, ka mbyllur ndeshjen me Maltën thellësisht, 3-0. Ka mbajtur kreun Danimarka, së bashku me Hungarinë, e cila mbrëmë fitoi në “Qemal Stafa”, 1-0 ndaj kuqezinjve, edhe sepse Portugalia e Suedia janë ndarë në barazim 0-0. Të dyja në të njëjtën kuotë pikësh, 6, por që ndjekin nga pas Danimarkën dhe Hungarinë. Këto ishin ndeshjet e radhës në grupin e parë, me Danimarkën kryesuese, e cila të mërkurën pret kombëtaren tonë.

Grupi 1

Malta – Danimarkë    0-3
Larsen 12’, 23’, Nordstrand 89’

Shqipëri – Hungari    0-1
Torgele 38’

Portugali – Suedi    0-0

Renditja

Skuadra    N    F     B     H    gol.    P
Danimarka    4    3     1     0    9-2    10
Hungaria    5    3     1     1    5-2    10
Portugalia    5    1     3     1    6-3    6
Suedia        5    1     3     0    2-1    6
Shqipëria    6    1     3     2    3-3    6
Malta        6    0     1     5    0-14    1